منتدى شبوة للبرامج
أهلا, وسهلا, بك, زائرنا, الكريم،, إذا, كانت, هذه, زيارتك, الأولى, للمنتدى،, فيرجى, التكرم, بزيارة, صفحة, بالضغط, هنا., كما, يشرفنا, أن, تقوم, بالتسجيل

منتدى شبوة للبرامج

أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي تر
 
الرئيسيةاليوميةس .و .جبحـثالتسجيلدخول

شاطر | 
 

 الجهاز درجة حرارتة عالية اتفضل حلول بسيطة وغير مكلفه لمشكلة ارتفاع درجة الحرارة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الزعيم
11
11


عدد المساهمات : 37
السٌّمعَة : 0
02/01/2011

مُساهمةموضوع: الجهاز درجة حرارتة عالية اتفضل حلول بسيطة وغير مكلفه لمشكلة ارتفاع درجة الحرارة    01/11/11, 10:52 pm

بسم الله
والصلاة والسلام على خير خلق الله
سيدنا ونبينا ومعلمنا محمد

وعلى اله واصحابة ومن اتبع هداة
النهاردة بأذنالله وبمناسبة الصيف
والحر
هقدم موضوع عن كيفية تبريد الكمبيوتر بطرق وأساليب بسيطة
طرق الناس
الغلابة (اللي أنا منهم )
فى البداية اسف جدا على عدم جودة الصور
لانى مصورهم
بكاميرا الموبيل الغلبان 6600
ثانيا بشكر جارى واخويا هادى ( اللي سلفني
البلوتوث علشان انقل الصور للكمبيوتر )

طيب اية المشاكل اللي بتحصل نتيجة
ارتفاع درجة حرارة الكمبيوتر :
إعادة التشغيل
إغلاق الجهاز
احتراق أجزاء
من الكمبيوتر

طيب تقولي يا أخ محمد اذاى اعرف درجة حرارة المحروس جهازي
أقولك طرق كنير منها
من البايوس bios تلاقى pc health موجود فيها درجة حرارة
الجهاز
وعن طريق البرامج مثلا Everest موجود كتير في المنتدى وموقع download

[ندعوك للتسجيل في المنتدى أو التعريف بنفسك لمعاينة هذا الرابط]

طبعا
في التبريد بالماء (اللي لو دخل المنطقة عندنا الحرب العالمية التالتة تقوم بسبوا
)



وفى التبريد
بالفريون ( عن نفسي لو جهازي في تبريد بالفريون هنام جواه أساسا )
ملناش دعوة
بالكلام دة
عندنا في مصر مثل ببقول (الجيش قالك أتصرف )
يعنى برد الجهاز باى
طريقة المهم تتصرف وتبردة
وبأذن الله الطرق اللي هقدمها في الموضوع طرق بسيطة
وسهلة ومش مكلفة
أتكلمنا كتير نبتدى الموضوع

أولا : معجون التبريد ( المنسي دائما )
:


معجون التبريد عنصر اساسى ومهم جدا لخفض درجة حرارة
المعالج ولكن للأسف الشديد كتير من الناس مش بتهتم بية وكتير من الناس بتآلف في
الموضوع دة ( اللى يحط معجون سنان / واللي يحط شحم / واللي واللي واللي ) ملناش
دعوة بالناس الوحشين دول خلينا نمشى صح ونرضى ضميرنا
فكرة المعجون بسيطة جدا
تغطية سطح المعالج بمادة مشتتة للحرارة , تفرغ الهواء بين المعالج وسطح المروحة (
الفانة بالمصري )
عندنا في مصر في المعجون العادي



وتمن الحقنة
دى 5 (خمسة ) جنية مصري وممكن تكفى كذا جهاز
إما كيس المعجون فبنص جنية
بس

وفى نوع تانى من المعجون انا عن نفسي بستخدمة واغلب تكوينة من نترات
الفضة فممتاز في التبريد
وتمن الحقنة 5 (جنية بردوا ) في ناس تبيعوا بأغلى طبعا
وتكفى جهاااااز واحد بس



ودي أنواع
ثانية من المعجون مشفتهاش عندنا



ثانيا : الفانة ( مروحة المعالج )
:


وليها كذا شكل في منها الصغير تمنوا من 20 إلى 30 جنية حسب
الشركة المنتجة



وفى الوسط
وتمنوا حوالي 30 جنية



وفى النوع دة
من الفانات وامانة رهيييييييييييييييييييييييييية بس تمنها من 65 لحد 85
جنية
المراوح دى أسطورة في التبريد وأمانة تستاهل كل قرش يدفع فيها



وادى كمان
صورتين ليها





ثالثا مروحة الكيسة : case fan

ودى
تمنها خمسة جنية بس بتساهم بشكل كبير فى تبريد الجهاز







ووظيفتها سحب
الهواء الساخن من أمام مروحة المعالج لخارج الجهاز

رابعا : مروحة الكيسة الجانبية :

بتسحب الهواء الساخن
من داخل الجهاز للخارج



طيب لو حصل
واشتريت كيسة مفيهاش مروحة جانبية تعمل اية
زى الصورة مثلا ؟



او تعمل كدة
؟



خامسا : الباور سبلاى :

دة الباور
سبلاى العادي



ودة نوع أفضل
يتميز بوجود مروحتين



سادسا : ترتيب الكبلات :
بحيث ميكونش في
اى كابلات أمام المراوح زى الصورة



سابعا : وضع الجهاز في مكان جيد التهوية

ثامنا : تنظيف الجهاز بصفة عامة
والمراوح بصفة خاصة :

علشان كتر التراب فوق المراوح يؤدى إلى بطء
المراوح وباريت التنظيف يكون كل 3 شهور بالكتير
الرجوع الى أعلى الصفحة اذهب الى الأسفل
 
الجهاز درجة حرارتة عالية اتفضل حلول بسيطة وغير مكلفه لمشكلة ارتفاع درجة الحرارة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شبوة للبرامج :: قسم الهاردوير والصيانة-
انتقل الى: